أه…وييين يا.. بقلم بابكر سلك


*ولايزال الشباب يؤكد كل يوم انه جيل التفرد
*حتي هتافاتهم جاءت تعبيراتها متفردة وذات معني عمييييق ومدلولات قصدوها وماتوا من اجلها ولاجلها
*أه..وييييين يا
*تدل وتدلل علي مستقبل هذا البلد السياسي
*أه…ويييين يا
*يطلقونها تسخر ممن يفكر في عودة الحكم في السودان لذاك الشكل
*فلقد اختار الشباب طريقة حكم السودان من الليلة لي يوم القيامة
*وأه ….ويييين يا
*التعبير اعجبني جدا
*وحرفية ادائه بتلك الاحترافية الساخرة
*تجعل منه خارطة طريق لحكم السودان للابد
*دستور السودان الدائم قادم بعنوان
*أه..وييييين يا
*وده دستور يا اولاد ماما
*دستورنا وننزل علي ايقاعاتو ونطلب
*طلبات
*طلباتكم اوامر
*انا داير رئيس تجيبو صناديق نزيهه
*يجي
*ودق الدق دق ادق
*طلبات
*طلباتكم اوامر
*انا داير خدمة مدنية تحقق كل الطموحات الوطنية
*وداير الناس تضحي عشان تبني وطن
*وداير رقم وطني كلمة سوداني فيهو تكفي ويكون الكلام كمل
*وداير مواطن ينتمي لكل تراب البلد
*ذرة ذرة وشبر شبر
*وداير وطن يستثمر في الانسان
*وداير انسان يرد جميل البلد عليهو
*داير وطن واحد وطن واسع وطن شاسع يشيلنا كلنا مرتاحيييين
*ده كلو بجي طالما دستورنا قادم بعنوان
*أه…وييين يا
*المهم
*تمضي عقارب الساعة نحو موقعة الجزائر
*نترك المنطق ونتمسك بالامنيات كي نتخطي الجزائري
*والاماني مابقروش
*خلوها تمتد لتشمل تخطينا للوداد كمان
*ولكن في كل الحالات استفاد شعب المريخ من التجربة وادرك ان العضوية هي القوة الضاربة في المريخ
*وانها تملكنا حكم نادينا
*وانها الضامن لكل المجالس القادمة
*فلقد انتهي عهد تدخل الدولة في الشان الرياضي وفي شؤون النادي
*وجاء عهد حكم الشعب لنادية
*يبقي نتمسك بحقنا الديمقراطي في ادارة نادينا ودعمه
*ونخرج من جيوب الافراد لآفاق المنهجية الارحب التي تقودنا للمثالية
*ايها الاعضاء
*ابقوا كتار
*المهم
*هلالابي قال لي الهلال السنة دي بشيل كاس افريقيا
*قبل ما ارد عليهو
*هلالابي تاني واعي قال ليهو
*أه…وييين يا
*ايها الناس
*القائمون علي امر السنية بالمريخ يستحقون ان نرفع لهم القبعات
*فرفاق سنادة حققو خبطات داوية وضموا مواهب اجزم بانها ستقود الفريق الكبير يوما ما
*سنعود لهذا الموضوع تفصيليا
*المهم
*لن نبكي علي لبن الاعداد المسكوب اهمالا
*ولكن ندعو المجلس لتلافي القصور ومحاولة قرع الواقفات
*فالجفلن من ايام الاعداد لن يعودن
*والاعتماد علي الحظ في تصريف الامور يعد من قبيل الجهل الاداري وسوء التخطيط بل جل التخبط
*ايها الناس
*اذا قلنا اننا نستطيع تخطي الجزائري والمغربي بهذا الحال
*فان المنطق حتما سيردد
*أه…وييين يا
*ولكنا لانطرق باب المنطق بقدرما نطرق ابواب الحماسة والامنيات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*لو قلت لينا
*الكهربا متوفره وحاتصلحوها لينا
*الناس حاتضحك لمن تقع وترفع كرعينا
*ومع بعض حانقول
*أه…وييين يا والينا
سلك كهربا
ننساك كيف والكلب قال اليومين دي الموت كلو قناصة ورصاصة عشان كده موت بالكهربا مافي…حليل زمن الكهربا بتكتل
والي لقاء
سلك

ليست هناك تعليقات